2005 оноос эхлэн манай төвийн бүсийн салбар зөвлөл, клубүүд сурагч багш нарынхаа сэтгэн бодох, оновчтой бөгөөд хурдтай сэтгэх чадварыг хөгжүүлэх зорилгоор сэтгэх чадварын бүсийн олимпиадыг жил бүр зохион байгуулдаг болсон. Энэ удаад зүүн бүсийн сэтгэх чадварын анхдугаар олимпиад Хэнтий аймгийн Хэрлэн сумын ЕБС-ын 1- р сургууль дээр 11 сарын 4-5 хооронд зохиогдож, амжилттай явагдаж өнгөрлөө. Олимпиадад гурван аймгийн 18 сургуулийн 2-оос 11-р ангийн нийт 480 гаруй сурагч, багш нар оролцлоо. Олимпиадын үеэр IQ, сэтгэн бодохуй-TS хичээлүүдийг заах эрх олгох сургалтыг багш нарын дунд тус төвийн судлаач багш Б.Батаа зохион байгууллаа.